8 наурыз – халықаралық әйелдер күніне орай Жамбыл атындағы №120 орта мектебінде тәрбие бөлімінің ұйымдастыруымен «Ана – өмірдің шуағы» тақырыбында «Алтын алқа», «Күміс алқа» иегерлері – ардақты аналарды құрметтеуге арналған мерекелік концерт өткізілді. Шара барысында оқушылар аналарға деген шексіз құрметі мен сүйіспеншілігін ән арқылы жеткізіп, әсем билер билеп, әсерлі көріністер қойды. Анаға деген мейірім мен алғысты арқау еткен бұл кеш көрермендерге ерекше жылулық сыйлап, жүректерге қуаныш ұялатты. Мерекелік шараға қолдау көрсетіп, аналарымызға сыйлықтар ұсынған жеке кәсіпкер, мектебіміздің түлегі Рүстем Ізтілеуовге алғысымызды білдіреміз.
Мектебіміздің басшысы А.С.Қыстаубаев асыл аналарға көктемнің ең шуақты мерекесі халықаралық әйелдер күнімен құттықтау сөзін арнады. Отбасының тірегі, өмірдің шуағы, мейірім мен махаббаттың қайнар бұлағы болған аналарға, мектеп ұжымына шын ықыласпен алғысын білдірді.
А.Тойымбетова,
Жамбыл атындағы №120 орта мектебінің
қазақ тілі мен әдебиеті пәнінің мұғалімі
