«Кәусардың» жырын оқып, сөзін тыңда!

Ахмет – ұлттың рухани көсемі

 Қай елдің де ерекше бағалайтын, мақтаныш ететін, ұлттық байлығы саналатын рухани қазынасы болуы заңдылық. Міне, осындай баға жетпес қазынаны біз А.Байтұрсынұлы мұраларынан көре аламыз.

Ахмет – өз ұлтын қанша сүйсе, сонша қиындыққа ұшыраған қайраткер. Себебі, бізге жеткен мәліметтерге мән берсек, мысалы 1929 жылы 2 маусымда Алаш қозғалысы қайраткерлерімен бірге Алматы қаласында тұтқынға алынады. Мәскеудегі Бутырка абақтысына түсіп, Халық комиссарлар кеңесінің 1930 жылдың 4 сәуірдегі шешіміне сәйкес А.Байтұрсынұлы ату жазасына кесілген. Дегенмен бұл шешім бірнеше мәрте өзгерістерге ұшырағанын көреміз: алғашқы кесілген ату жазасы 1931 жылы қаңтарда 10 жылға концлагерьге жер аударуға ауыстырылған, 1932 жылы қарашада «үш жылға Архангельскіге жер аударылсын» деген үкім шықса, 1933 жылы мамырда денсаулығының күрт нашарлауына байланысты жазасын Батыс Сібірде айдауда жүрген әйелі мен қызының жанында отбасымен бірге өтеуге шешім шығады.

Абайдың тарихи орнын, рухани болмысын, ақындық қуатын қазақ оқырмандарына тұңғыш рет терең түсіндірген Ахмет Байтұрсынұлы. Оның «Қазақтың бас ақыны» атты көсемсөзі былай аяқталады: «Абайды қолымыздан келген қадірлі жұртқа таныту үшін мұнан былай кейбір өнегелі, өрнекті сөздерін газетке басып, көпке көрсетпекшіміз». Еліміздің әдебиеті, мәдениеті мен өнеріне, ұлттық ойлау мен парасат әлеміне Абай мен Ахмет Байтұрсынұлының қосқан үлесі зор деп білемін.

Туған халқының келешегін ойлап, оның әліпбиін түзеуден бастаған, қазақ ғылымының қалыптасуына үлкен үлес қосқан,  ұлт мүддесі үшін қызмет еткен, түркі еліне есімі мәшһүр бабамыздың ғұмыр жолы баршамызға үлгі боларлық өнеге деп білемін.

Аяжан ДӘУЛЕТХАН,

№171 Ғ.Мұратбаев атындағы

орта мектебінің 10 «А» сынып оқушысы

    Пікір үстеу

    Э-пошта мекенжайыңыз жарияланбайды. Міндетті өрістер * таңбаланған