Қосымша білім беру оқу-әдістемелік орталығының ұйымдастырушы-педагогтардың бастамасымен «Бабалар ерлігі — ұрпаққа үлгі» танымдық кездесу іс-шарасы болып өтті. Мақсаты – елін, жерін қорғаған батыр аталарымыздың ерлігін жас ұрпаққа үлгі ету, олардың өмір жолын насихаттап, өскелең ұрпақты патриоттық рухта тәрбиелеу. Сыр еліне танымал абыз ата, 100 жасаған Ұлы Отан соғысының ардагері Әбдірахман Бәйтіковтің ұрпақтарымен кездесіп, ардагердің ерлігін, отбасындағы балаларына берген тәрбиесін кейінгі ұрпаққа айтып жеткізу, отаншылдық тәрбие беру.
Кездесу барысында ардагердің балалары майдан даласындағы ерлігі туралы сыр шертті, алған орден-медальдарын көрсетіп, соғыс кезінде жазған хаттарын оқып берді. Әбдірахман атаның ұзақ жасаудағы өмірлік құпияларымен бөлісті.
Үйірме оқушылары соғыс ардагерінің ұрпақтарына қызықты сұрақтар қойып, батыр атаның өнегелі өміріне шынайы қызығушылық танытты. Шара соңында үйірме оқушылары өз өнерлерін көрсетіп, қонақтарға алғыстарын білдірді.
Ұрпаққа ұран болар бабалар ерлігі, аталар жолы – мәңгілік жадымызда!
Тазагүл Нұрмаханова,
Қосымша білім беру оқу-әдістемелік орталығының педагог-ұйымдастырушысы
