«Ұстаз мәртебесі» газеті мен Қызылорда қаласы бойынша білім бөлімінің ұйымдастыруымен Қазақстан Республикасының еңбек сіңірген өнер қайраткері, Қазақстан Көркемөнер академиясының академигі, Қазақстан Суретшілер одағының мүшесі, еліміздің танымал суретшісі Қайырбай Қонысбайұлы Зәкіровтің 80 жылдығына орай қалалық жас суретшілер байқауы өтеді.
1. Байқаудың мақсаты және міндеттері
1.1. Байқаудың мақсаты:
— Білім алушыларды шығармашылыққа тарту, дарынды балаларды анықтау және қолдау, олардың танымдық қызығушылығын ынталандыру.
— Сыр бойының әсем табиғатын, қаланың көрікті жерлерін бейнелеу арқылы баланы туған жерін құрметтеуге тәрбиелеу.
— Сыр өңірінен шыққан суретшілерді, соның ішінде белгілі суретші Қайырбай Зәкіровті тану арқылы оның туындыларымен танысу.
1.2. Міндеттері:
— Балалардың шығармашылық және көркемдік қиялдау дағдыларын дамыту;
— Туындыларын көпшілікке жария ету мүмкіндігін ұсыну арқылы жас суретшілердің белсенділігін арттыру;
— Дарынды жас суретшілердің талабын шыңдап, олардың шығармашылық тұрғыдан дамуына қолдау көрсету;
— Өнер саласында эстетикалық талғамын, қабілеттері мен дағдыларын қалыптастыру.
2. Байқауды өткізудің шарттары мен тәртібі
2.1. Байқауды дайындау мен өткізуді ұйымдастырушылар жүзеге асырады;
2.2. Байқау туралы ереже Қызылорда қаласындағы барлық білім беру мекемелеріне жолданатын болады;
2.3. Байқауға қатысушылар өз шығармаларын көрсетілген мекен-жайға табыстайды, байқауға қатысу тегін;
2.4. Байқау аясында үздік жұмыстардың көрмесі өткізіледі;
2.5. Байқауға орта және қосымша білім беру мекемелерінің 13-17 жас аралығындағы Қызылорда қаласының оқушылары қатыса алады;
2.6. Ұйымдастырушылар үміткерлердің байқауға қатысу жөніндегі шығармашылық жұмыстары мен сұраныстарын 2025 жылдың 20 ақпанына дейін қабылдайды. Сұранысты «Ұстаз мәртебесі» газетінің ustaz_martebesi@mail.ru эл.поштасына, ал туындыларын Қызылорда қалалық Оқушылар сарайына тапсырады.
3. Шығармашылық жұмыстарды ресімдеуге қойылатын талаптар
3.1. Конкурсқа А3 форматты қағазда (қалың қағазда) орындалған шығармашылық жұмыстар қабылданады. Жұмыс мөлшері басқа модельдерде A3 форматынан аспауы керек;
3.2. Шығармашылық жұмыстарды кез-келген техникада жасауға болады (тушь, май, гуашь, акварель, пастель, түрлі-түсті қарындаштар, қалам, компьютерлік графика, аралас техника және т. б.);
3.3. Авторлардың бірлесіп орындаған шығармашылық жұмыстары қабылданбайды;
3.4. Шығармашылық жұмыстар ата-аналар мен мұғалімдердің көмегінсіз орындалуы керек;
3.5. Шығармашылық жұмыстар байқау тақырыбына сай болуы керек;
3.6. Бір қатысушы ұсынатын шығармашылық жұмыстардың саны 1 (бір) данадан аспауы тиіс;
3.7. Осы талаптарға сәйкес келмейтін жұмыстар қарастырылмайды.
4. Байқау жеңімпаздары мен жүлдегерлерін анықтау критерийлері
4.1. Байқауға ұсынылған шығармашылық жұмыстарды қазылар алқасы анықтайды;
4.2. Қазылар алқасы байқаудың жеңімпаздары мен жүлдегерлерін анықтау кезінде келесі критерийлерді басшылыққа алады:
— жұмыс мазмұнының конкурс тақырыбына сәйкестігі;
— көркемдік шеберлік (суретті орындау техникасы мен сапасы);
— мазмұнының ерекшелігі мен талғамы;
— конкурстық жұмыстарды ресімдеуге қойылатын талаптарға сәйкестігі.
5. Қорытынды шығару және байқау қатысушыларын марапаттау
5.1. Қазылар алқасы ұйымдастырушылардың шығармашылық жұмыстарды ұсынған сәтінен бастап үздік жұмыстарды іріктейді және байқаудың қорытындысын шығарады;
5.2. Үш жүлделі орын және екі ынталандыру жүлдесі бекітіледі;
5.3. Ұсынылған суреттерді бағалау осы Ереженің 4.2-тармақшасында көрсетілген критерийлер бойынша он ұпайлық жүйемен жүзеге асырылады. Шығармашылық жұмыстарды бағалау кезінде әр критерий бойынша 0-ден 10-ға дейін ұпай қойылады. Ең көп ұпай жинаған үміткер байқау жеңімпазы атанады;
5.4. Байқау үміткерлері бірдей ұпай жинаған жағдайда жеңімпазды қазылар алқасы ашық дауыс беруі арқылы анықтайды;
5.5. Қазылар алқасының байқау қорытындылары туралы шешімі бағалау парағымен ресімделеді және конкурс жеңімпаздарын марапаттау үшін негіз болып табылады;
5.6. Жүлделі орын иелеріне естелік сыйлықтар мен дипломдар, ал қатысушыларға Алғыс табысталады. Әрбір қатысушы жетекші мұғалімімен қоса мадақталады;
5.7. Жеңімпаздарды марапаттау рәсімі Қызылорда қалалық Оқушылар сарайында өтеді.
5.8. Байқауға ұсынылған шығармашылық жұмыстар авторларға қайтарылмайды;
5.9. Жеңімпаздардың үздік шығармашылық жұмыстары «Ұстаз мәртебесі» газеті арқылы насихатталады және газеттің сайтына орналастырылады.
Ұйымдастыру алқасы
