Қазіргі жаһандану дәуірінде ұлттық құндылықтарды сақтап, оларды жас ұрпақтың бойына сіңіру – қоғамның басты міндеттерінің бірі. Ұлттық құндылықтар – халықтың рухани, мәдени және тарихи мұрасы ғана емес, сонымен қатар жас ұрпақты отаншылдыққа тәрбиелеудің басты құралы. Оқушылардың елге, жерге, мемлекеттік рәміздерге деген сүйіспеншілігін қалыптастыру үшін ұлттық құндылықтарды дәріптеу аса маңызды.
Отаншылдық – әрбір азаматтың өз еліне, туған жеріне деген сүйіспеншілігі мен жауапкершілігін білдіретін асыл қасиет. Қазіргі қоғамда жастарды патриоттық рухта тәрбиелеу – білім беру жүйесінің маңызды міндеттерінің бірі. Оқушыларға ұлттық құндылықтарды насихаттау арқылы олардың бойында елжандылық сезімін қалыптастыруға болады. Бұл мақалада ұлттық құндылықтарымызды дәріптеу арқылы оқушылардың отаншылдық сезімін қалай дамытуға болатыны қарастырылады.
Ұлттық құндылықтар – халықтың тарихи мұрасы, халықтың болмысын, дүниетанымын және тарихи жадын сақтайтын ұлы күш. Олар адамның патриоттық рухын күшейтіп, ұлттық сана-сезімін қалыптастырады. Ал, ұлттық құндылықтар – халық мәдениеті, салт-дәстүрлері, тілі мен ділі. Отаншылдық сезімді қалыптастыруда ұлттық құндылықтардың рөлі ерекше. Оқушыларды отаншылдыққа тәрбиелеуде мынадай негізгі бағыттарға баса назар аударылады:
1. Тарихи сананы қалыптастыру;
2. Ана тілін құрметтеуге баулу;
3. Салт-дәстүр мен әдет-ғұрыптарды дәріптеу, ұлттық мерекелер мен дәстүрлерді дәріптеу;
4. Ұлттық мәдениет пен өнерді насихаттау;
5. Ұлттық спорт және әскери-патриоттық тәрбие.
Оқушыларды отаншылдыққа тәрбиелеу – ұлттық құндылықтарды дәріптеумен тығыз байланысты. Білім беру жүйесінде тарихи, тілдік, мәдени және рухани құндылықтарды насихаттау арқылы өскелең ұрпақты елжанды, рухы биік азамат етіп тәрбиелеуге болады. Осылайша, ұлттық санасы берік, туған елі мен жеріне деген сүйіспеншілігі мол ұрпақ қалыптасады.
Ұлттық құндылықтар оқушыларды отаншылдыққа тәрбиелеудің негізгі құралы болып табылады. Тарихи мұраны дәріптеу, ана тілін құрметтеу, салт-дәстүрлерді насихаттау, ұлттық мәдениетті таныстыру және патриоттық спорттық ойындарға баулу арқылы жастардың бойында елге деген сүйіспеншілік пен жауапкершілік сезімі қалыптасады. Бүгінгі ұрпақтың бойына ұлттық құндылықтарды сіңіру – ел болашағына салынған берік іргетас.
Мақпал Макашева,
Қ.Мұхамеджанов атындағы №1 мектеп-гимназия тәлімгері
