Оқу бағдарламасына сәйкес оқыту мақсаты:
– көздің алыстан көргіштігі мен жақыннан көргіштігін түзетуді сипаттау.
Сабақтың мақсаты:
— көздің құрылысын біледі.
— көздің алыстан көргіштігі мен жақыннан көргіштігін түзетуді біледі.
Құндылықтарға баулу
Жасампаздық және жаңашылдық-қарапайым өлшеулер жүргізу,практикалық есептерді шешуге арналған құралдармен жұмыс жасай алады;
Сабақтың барысы
Ұйымдастыру. Мұғалім оқушыларды түгелдейді. Оқушыларды топқа бөледі.
«Қаламсап» әдісі арқылы бөлінеді.
І топ: Линза. ІІ топ: Көз. ІІІ топ: Көзілдірік.
«Ғажайып алаң» әдісі арқылы үй тапсырмасын сұрау.
1. Линзаның оптикалық күші деп нені айтамыз?
2. Линза дегеніміз не? Қандай түрлері бар?
3. Фокаль жазықтық деп қандай жазықтықты айтады?
4. Қандай кескінді нақты, қандай кескінді жорамал дейміз?
5. Жұқа линзаның формуласы қандай?
«Ойлан, тап!» әдісі.
Қызығушылықтарын ояту.
Барлық оқушыларға ортақ сұрақ қойылады.
1. Жүріп бара жатып кітап оқу неге зиян?
2. Көзге неліктен жаттығулар жасау керек?
3. Неліктен компьютерде жұмыс істеу уақытын шектейді?
— Бейнеролик көрсетемін. Жаңа сабақтың тақырыбы ашылады.
Сабақтың мақсаты:
– көздің алыстан көргіштігі мен жақыннан көргіштігін түзетуді сипаттау.
Оқулықтағы жаңа сабақтың мәтінін оқуға тапсырма береді. Тірек сөздермен танысып, өз дәптерлеріне жазып алады.
Топтық жұмыс. «Фрайер» әдісі
І топ: Көздің көру ерекшеліктері
Тапсырма. «Шахмат» әдісі.
Жеке және жұптық жұмыс орындау арқылы оқушылар жаңа материалды меңгереді, ізденеді, бірін-бірі тексереді.
Сергіту сәті
Тапсырма «Физикалық эстафета» әдісі
1. Жақыннан көргіш адам кітапты көзінен 15 см алыс ұстай отырып, көзілдіріксіз оқиды. Кітап оқу үшін оған қажет болатын көзілдіріктің оптикалық күші (d0 = 25 см). Ж (-2,7 дптр)
2. Ең жақсы көрінетін ара қашықтығы 1 м болатын алыстан көргіш адам үшін қажетті көзілдіріктің оптикалық күшін анықтау керек. (d0 = 25 см). (3 дптр)
Тапсырма. «Проблемалық оқыту» әдісі.
1. Жақыннан көргіш адам аралға тап болды. Ол көзілдірігінің линзаларын қолдану арқылы от ала ма?
2. Судан шығарылған балықта көрудің қандай кемшілігі пайда болады, — алыстан көргіштік пе әлде жақыннан көргіштік пе?
3. Орманда адасып қалған бала, сіріңкесіз Күн сәулесі мен өз көзілдірігін пайдалану арқылы от жаға алды. Бұл балада көздің қандай кемшілігі байқалады?
ІІ топ: Көздің құрылысы.
ІІІ топ: Көзілдірік.
Оқушылар үй тапсырмасы бойынша сұрақтарға тез-тез жауап беріп белсене қатысып отырады.
4. Көзілдірік тауып алдыңыз. Көзілдірік иесінде жақыннан көргіштік пе не алыстан көргіштік пе екендігін анықтауға мүмкіндік беретін әдіс ұсыныңыз.
Оқушылар сұрақтарға тақырып бойынша алған білімдерімен жауап береді.Ойларын ортаға салады.
Дескриптор:
— Линзалардың түрлерін ажырата алады.
— Көздің көру кемшіліктерін ажырата алады.
Әр сұрақ 1 балл.
Нұрайым Өтегенова,
Болтай батыр атындағы шағын орталықты орта мектебінің физика пәнінің мұғалімі.
Жамбыл облысы,Т.Рысқұлов ауданы, Құмарық ауылы.
