Қызылорда облысының білім басқармасы басшысы Асқарбек Есжанов облыс орталығында күрделі жөндеу жұмыстары жүргізіліп жатқан №211, №212, №217, №222, №253 мектептерге барып, құрылыс жұмыстарын бақылады.
№212 мектеп-гимназиясы 1968 жылы пайдалануға берілген. 760 оқушыға арналған білім ордасы бойынша 2021 жылы смета жасалынып, 2024 жылдың 26 мамырынан бастап күрделі жөндеуді “Орион LTD” ЖШС жүргізуде.
Ал, 1990 жылы ашылған Т.Рысқұлов атындағы №222 және №253 орта мектептерінде биылғы жылы алғаш рет күрделі жөндеу жұмыстары жүргізілуде. Жөндеу жұмыстарын жүргізуші мердігер «Орион LTD» ЖШС-нің басшыларына басқарма басшысы құрылыс жұмыстарының сапалы жүргізілуін және өз уақытында тапсырылуын ескертті.
Аталмыш мектептердің құрылыс жұмыстарын қалалық білім бөлімінің басшысы Жанат Мылтықбайқызына ұдайы бақылауда ұстауды тапсырды.
Б.Бек
