Кітап оқу – адамға өзіндік әсер етіп, оның адам болып қалыптасуында маңызды рөл атқарады. ҚР Президенті Қасым-Жомарт Кемелұлы Тоқаев кітап оқу мен кітапханаларды қолдау қоғам дамуының басты міндеттерінің бірі екенін айрықша атап айтқаны баршамызға белгілі. Мемлекет басшысының осы бағыттағы тапсырмасына сәйкес «Кітап оқитын мектеп – оқитын ұлт» жаңа жобасы қолға алынып, іске асырыла бастады. Мектеп кітапханасының қорын толықтыру, жастарды оқуға тарту мақсатында ұйымдастырылған акция – «Кітапханаға кітап сыйла!» акциясы. «Оқуға құштар мектеп жобасы» 2023 жылы «Бір ел – бір кітап» республикалық акциясы аясында Төлен Әбдіктің шығармаларын оқу бекітілді. Бұл рухани акцияға үн қосу шеңберінде М.Шоқай атындағы №187 ІТ мектеп лицейінің мектеп директорының ғылыми әдістемелік жұмыстар жөніндегі орынбасары Сәуле Егізбаева мен ағылшын тілі пәнінің мұғалімі педагог-зерттеуші Жанна Сыдыкова мектеп кітапханасына көркем әдеби кітаптар сыйға тарту етті.
Мектеп директоры Ұлықпан Баймбетов бала жанашыры Жанна Кешабадинқызын Алғыс хатпен марапаттады.
Адамзат баласының қол жеткізген ұлы игіліктерінің бірі – білім қазынасы. Дана халқымыз «Батыр бірді жығады, білімді мыңды жығады» деп бекер айтпаса керек. Кітап білімімізді молайтады, кітаптан көп үлгі-өнеге мен тәрбие аламыз. Кітап оқу – адамға өзіндік әсер етіп, оның адам болып қалыптасуында маңызды рөл атқарады. Кітап оқыған адамның әрдайым рухани байлығы, дүниетанымы кеңейіп, ішкі дүниесі тазарады. Кітап оқу мен кітапханаларды қолдау қоғам дамуының басты міндеттерінің бірі екенін ескере отырып, оқушыларымыз кітапхана қорын әр саладағы көркем әдебиеттермен толықтыру, жас оқырмандарға қазақ әдебиетінің кітаптарын насихаттау, жастарды рухани және патриоттық тәрбиеге баулу, оқырмандарды кітап оқуға тарту мақсатымен оқылымды кітаптарды тарту етті.
Кітапхана қорын жаңа дүниелермен толықтыруға бағытталған бағалы бастама басқа да жанашыр жандардың тарапынан кеңінен қолдауға ие болуда. Алдағы уақытта оқушыларға бос уақыттарын тиімді пайдаланып, үнемі іздену арқылы тұлғалық болмысын дамыту үшін жаңаша жетістіктерге жетелейтін көркем әдебиеттер мен ғылыми әрі танымдық кітаптарды жиі оқуды тұрақты дәстүрге айналдырса, уақыттың үдерісінен табылары даусыз. Бұл – қазіргі кездің ең басты талабы.
Жайна РАХМЕНОВА,
М.Шоқай атындағы
№187 ІТ мектеп-лицейінің кітапхана меңгерушісі.
