БІЛІМ БЕРУ ҚЫЗМЕТКЕРЛЕРІНІҢ РЕСПУБЛИКАЛЫҚ ТАМЫЗ КЕҢЕСІ ЖАҢА ФОРМАТТА

2023 жылдың 24-25 тамыз аралығында елдің 20 өңірі бойынша білім қызметкерлерінің республикалық «Әділетті Қазақстан: сапалы білім, адал ұрпақ, табысты ұлт» атты тамыз кеңесі басталады.

«Осы жылы республикалық тамыз кеңесі алғаш рет жаңа форматта өтеді. Барлық 20 өңір тақырыптық бағыттарға бөлінді. Кеңесте педагог-тәжірибешілер, сарапшылар, білім және психология саласының мамандары өз тәжірибелерімен бөліседі», – деді Орта білім беру комитетінің төрағасы Қаныбек Жұмашев.

24 тамызда өңірлерде тақырыптық бағыттар бойынша секциялық отырыстар болып өтті. Әрқайсысына жеке тоқталар болсақ, Қызылорда облысында «Мектепке дейінгі тәрбие мен оқыту», Ақтөбе облысында «Ауыл мектебін дамыту», Абай облысында «Оқуға құштар ұлт», Қостанай облысында «Инклюзивтік және арнайы білім», Солтүстік Қазақстан облысында «Педагог мамандарды дамыту», Ұлытау облысында «Дарынды балалар – ұлт зиялылары, Алматы облысында «Инновациялық білім технологиялары», Ақмола облысында «Балалардың демалуы мен сауығуы», Астана қаласында «Жайлы инфрақұрылымды қалыптастыру», Қарағанды облысында «Балалар үшін тең мүмкіндіктер», Алматы қаласында «Мектепте дұрыс тамақтану – ұлт саулығының кепілі», Шығыс Қазақстан облысында «Қосымша білім беру», Түркістан облысында «Ұлттық құндылықтар негізіндегі тәрбие», Атырау облысында «Балалар үшін – қауіпсіз орта», Павлодар облысында «Техникалық және кәсіптік білім беру», Маңғыстау облысында «Білім мазмұнын жақсарту арқылы сапаны арттыру», Жамбыл облысында «Білім саласындағы бақылау және бағалау», Жетісу облысында «Білім саласындағы қаржы-құқықтық тәртіп», Батыс Қазақстан облысында «Білім саласындағы басқару негіздері», Шымкент қаласында «Білім саласындағы цифрлық шешімдер» атты тақырыптық бағыт бойынша секциялық отырыстар жұмыс жасады.

Ал, 25 тамызда онлайн режимде қосылатын 20 өңірдің қатысуымен Бірыңғай республикалық пленарлық отырыс өтеді. Оған білім беру жүйесінің 12 мың қызметкері қатысады. Форумның пленарлық отырыстары министрліктің, облыстық білім басқармаларының, ведомстволық бағынысты ұйымдардың Facebook, Instagram және YouTube желілеріндегі парақшаларында көрсетілді.

А.Сырлыбай

Пікір үстеу

Э-пошта мекенжайыңыз жарияланбайды. Міндетті өрістер * таңбаланған