22 желтоқсанда «Педагогикалық идеялар панорамасы – 2022» байқауының республикалық кезеңі аяқталып, тікелей эфирде жүлдегерлерді салтанатты марапаттау рәсімі өтті. Байқаудың республикалық кезеңінен жүлделі орын алған шығармашыл ұстаздардың басын қосқан марапаттау рәсімін «Өрлеу» Басқармасының төрағасы Әсел Мухаметжанова салтанатты түрде ашып, 22 аталым бойынша үздік атанған жеңімпаздарды құттықтады.
Республикалық байқаудың нәтижесі бойынша Қызылорда облысының педагогтері көш бастады, 7 педагог жүлделі орындарға ие болды. Олар: Арал ауданындағы Ж.Әбдірашев атындағы №62 мектеп-лицейінің биология пәні мұғалімі, байқаудың 1-орын жеңімпазы Ұлдай Оспанова, Қызылорда қаласындағы С.Толыбеков атындағы №3 IT мектеп-лицейінің физика пәні мұғалімі, байқаудың 1-орын жеңімпазы Рая Бодыкова, Шиелі ауданындағы Ш.Уәлиханов атындағы №127 мектеп-лицейінің музыка пәні мұғалімі, байқаудың 1-орын жеңімпазы Ербол Райсов, Қазалы ауданындағы №97 орта мектептің АӘТД пәні мұғалімі, байқаудың 2-орын жеңімпазы Амантай Ахша, «Алтын ұя» бөбекжай-бақшасының тәрбиешісі, байқаудың 2-орын жеңімпазы Айгүл Шардарбекова, С.Лапин атындағы №261 орта мектептің химия пәні мұғалімі, 2-орын жеңімпазы Гүлнұр Әлиасқарова, С.Толыбеков атындағы №3 IT мектеп-лицейінің ағылшын тілі пәні мұғалімі, 3-орын жеңімпазы Қазына Есмамбетова.
Байқауға қатысқан ұстаздарға әдістемелік қолдау көрсеткен, бағыт-бағдар беріп, педагогикалық идеяларын шыңдауға елеулі үлес қосқан «Өрлеудің» білікті тренерлеріне ерекше алғыс айтамыз. Жүлдегерлерімізді жеңістерімен шын жүректен құттықтаймыз. Шығармашылық шабыт, педагогикалық ізденістер тілейміз.
Сәкен Серікбаев, «Өрлеу» Қызылорда облысы бойынша филиалы директорының орынбасары
