ЕРЕКШЕ БІЛІМ БЕРУ – ЗАМАН ТАЛАБЫ

Иә, ерекше білім беру жүйесі – бүгінгі заман талабы. Бүгінгі таңда денсаулық жағдайына байланысты ерекше білім беруді талап ететін оқушылар да баршылық. Менің 4 жылдық педагогтік тәжірибем ерекше білім берумен басталып, жалғасып келе жатқан жайы бар. Мамандығым – қазақ тілі мен әдебиеті пәнінің ұстазы. Енді ерекше білім беруге тоқталсам…

Негізінен, бұл санатқа денсаулық жағдайына байланысты белгілі мерзімде үйде отыратын балалар жатады. Өздігінен мектепке барып келу қиындық туғызатын, немесе көпшілік орта ыңғайсыздық сыйлайтын, тәніндегі өзгерістерді үнемі бақылап отыруды талап ететін балалар ерекше білім беруді талап етеді. Яғни, оқытушы әрбір баланың үйіне өзі барып, тиісті пәндер бойынша сабақ өтеді. Бұл – баланың оқу бағдарламасын жетік меңгеріп отыруы үшін қажет.

«Ұстаздық еткен жалықпас, үйретуден балаға» деген хакім Абай. Ұлағатты ұстаз болуды мақсат еткен әрбір адам бала үшін мектепке барып білім берсе де, үйіне барып сабақ өтсе де айырмашылықты аңғармау қажет. Сабақ барысы барлық жерде жоғары сапамен өткені абзал.

Айта кететіні, ерекше білім алушы оқушылар үйден оқып отырса да, жаңалықтан тыс емес. Онлайн түрде ақын-жазушыларға арналған поэма кештеріне қатысып, жүлделі орындарға ие болуда. Әрине, бұл – мұғалім үшін мақтаныш. Ұстаз үшін үлкен жетістік.

Шәкірттерімнің шығармашылыққа деген қызығушылығы мен белсенділігі, білім мен ғылымға бейімгіштігі мені қатты қуантады. Шәкірт жүзіндегі қуаныш ұстазды шабыттандырады. Өйткен, ұстаз еңбегі қашанда шәкірт жеңісімен өлшенеді.

Күн сайын жаңа ақпар, жаңа жаңалық енгізілуде. Оқу бағдарламасының мақсат-міндеті ғана емес, ерекше білім беру саласына да біршама жаңалықтар енді. Олар әрине бірінші кезекте, баланың оқу-білімге деген қызығушылығын ояту, жан-жақты бағдарға бағыттау, адамгершілік-патриоттық тәрбиемен қатар, оқытудың заманауи методикасын пайдалану. Жаңартылған жаңа талаптар жүйесі оқушыға молынан жағдай жасап, оңтайлы мүмкіндік беруде Бұл мақсат пен сенім үдесінен шығып, болашақ саналатын балалар үшін жұмыс жасау біздің борыш…

Гүлдана Әбішева,

№37 мектеп-лицейі, қазақ тілі мен әдебиеті пәні мұғалімі

Пікір үстеу

Э-пошта мекенжайыңыз жарияланбайды. Міндетті өрістер * таңбаланған