Қазіргі жағдайда балалардың мектеп білімі аясында үнемі іске асырыла бермейтін салалардағы танымдық қызығушылықтары мен қажеттіліктерін қанағаттандыруға байланысты білім беру іс-әрекеті кең қанат жайып келеді. Демократиялық реформалар тудырған отандық білім беру саласындағы жаңа құбылыстар қатарында барынша маңыздылардың бірі деп толық негізде балаларға қосымша білім беруді атауға болады. Балаларға қосымша білім берудің құндылығы сол, ол жалпы білім берудің вариативті құрамын күшейтеді, жасөспірімдерге өз-өздерін кәсіби бағдарлауда көмектеседі, балалардың мектепте алған білімдері мен күш-қуаттарын іске асыруға септеседі.
Қосымша білім беру жағдайында балалар өздерінің шығармашылық әлеуеттерін, қазіргі қоғамға бейімделу дағдыларын дамыта алады және бос уақытты толыққанды ұйымдастыру мүмкіндігін алады.
Бүгінде балаларға қосымша білім беру мәселесі өзекті. Балаларға қосымша білім беру жүйесі қазіргі жағдайларда білім беру кеңістігінің аса маңызды құрамдас бөлігі ретінде қарастырылады, оны мұқият ойластырылған және тексерілген талаптар негізінде ұйымдастыру дарынды балаларды қолдаумен және дамытумен қамтамасыз ете отырып, балалық шақ дағдарысын еңсеруге көмектесуі сөзсіз. Ал, бұның дәлелі аймағымыздағы ашықтыққа, ұшқырлыққа және икемділікке ие балаларға қосымша білім беру жүйесінің баланың отбасының, қоғамның, мемлекеттің мүддесіне орай «уақыт талабына» жылдам әрі дәлме-дәл әрекет етуіне мүмкіндіктердің қарастыруылында. Қазіргі уақытта балаларға қосымша білім беру «Қазақстандық білім берудің таяу уақыттағы даму аумағы» ретінде қарастырылуында.
Қазақстанның индустриалдық қоғамнан постиндустриалдық ақпараттық қоғамға көшу жағдайында қосымша білім беру мүмкіндіктерін кеңейту арқылы адамды әлеуметтендіруге және өзін-өзі дамытуға талаптар күшеюде. Адамның дамуға және іс-әрекеттің сан түрін еркін таңдауға деген құқығын толық қамтамасыз ететін қосымша білім беру балалардың, жеткіншектер мен жастардың тұлғалық және кәсіби тұрғыда өз-өздерін анықтауларына көмектеседі.
Өңіріміздің қосымша білім беру педагогтері қосымша білім беру инфрақұрылымының тартымдылығын арттыруға және негізгі даму ортасын құруға аянбай еңбек етіп, осы саланы жетілдіру бойынша іс-әрекеттердің мақсаттылығын, тұтастығын және жүйелілігін қамтамасыз ету жұмыстарын бағыттап, нәтижесін де көріп келеді.
Қорыта айтқанда, оқушылардың білімін тереңдетуге, білім алушының өз ісіне ойды өрістете креативті қарауына, іскерлік қабілеті мен өнертапқыштық талантын ұштауға, қоршаған ортаға дұрыс қарым-қатынасын, байқампаздығын орнатуға, балалардың белсенділігін, еңбексүйгіштік және азаматтық ұстанымын қалыптастыруға, олардың эстетикалық көзқарастарын орнықтыруға, танымдық қызығушылығын қанағаттандыруға қызмет етеміз.
Алтынай ТУЛЕГЕНОВА,
қосымша білім беру оқу-әдістемелік орталығы директорының
оқу-тәрбие ісі жөніндегі орынбасары
