Жаңа технологиялар уақыт өткен сайын жедел қарқынмен дамып жатыр. Бүгін үйренген білімің ертеңгі күні жарамсыз болып қалса, таң қалуға болмайды. Тарихтағы алғашқы компьютерлер үлкен бір бөлменің көлеміндей алып болған болса, қазір көзге көрінбестей қалыпта жасалуда. Ақпараттық технологиялар саласындағы бәсекелестік дүниеге жаңа, тың әрі қолжетімді техника мен технология түрлерін әкелуде.
XXI ғасыр – озық технологиялар ғасыры. Сондықтан білім беру жүйесінде жаңа терминдерді және технологияларды тиімді пайдалану, соның ішінде CLIL шет тілін үйренуде мұның пайдасы өте зор. Себебі тіл үйрену арқылы адам бүкіл бір ұлттың мəдениеті мен əлеуметін қатар үйренеді. Адам көру, есту арқылы тіл қолданушылардың мəдениетін тезірек сезінеді. Яғни, өзінің де сол тілді меңгергендердің қатарына қосылуы жеңілдей түседі.
Білім парадигмасы бірінші орынға баланың білімін, білігі мен дағдысын ғана емес, оның жеке бас тұлғасын, білім алу арқылы азамат ретінде дамуын қойып отыр. Дəстүрлі оқыту оқушыларға дайын, жаңаша оқыту технологиясы процесін ұйымдастыру, басқару жəне бақылау болып табылады. Жаңаша оқыту технологиясы – нақты мақсатқа нəтижелі қол жеткізуді қамтамасыз етуде оқытудың əдістері мен көрнекі құралдарын ашып көрсетіп, оқу бағдарламасында берілген оқытудың мазмұнын жүзеге асыру. Ал, «Адами капиталды дамыту» – білім беру жүйесін әлемнің үздік тәжірибелеріне сәйкес жаңарту. Орта білім беру бағдарламаларын жаңарту бойынша жобаны жүзеге асыру көзделген.
Осы жылы қаңтар және ақпан айларында осы бағытты ұстанып, информатика пәніне қызықтырушылық арттыру мақсатында Қызылорда қаласында «Samruk kids» орталығының ұйымдастыруымен қалалық деңгейде байқау өткізілген болатын. Аталған байқауға қала және жақын орналасқан ауыл мектептерінің 6,7,8 сыныптар аралығында оқушылар қатысып, өз білімдерін жоғары деңгейде көрсете алды.
Сайыс бағдарламасы 2 деңгейден тұрды. Біріншіде сұрақ-жауап және тестілік тапсырмалар болса, келесі деңгей компьютер құрылғыларының атауын, қызметін түсіндіру, түрлерін білу және уақытқа жүйелік блоктың ішкі құрылғыларын жинақтау болды.
Аталған байқауға «Саяхат» мөлтек ауданынан жаңадан бой көтерген «Ұлағат» білім ордасы» жеке мектебінің оқушылары да қатысып, жүлделі орындар иегері атанды. 1-орынды Нұрали Жанболат пен Ерсұлтан Жакен иеленсе, 3-орынды Нұрасыл Әбдімәлік жеңіп алды.
Бұл сайысқа оқушыларды дайындау барысында түрлі әдіс-тәсілдер, оның ішінде өткен сабақтарды оқу материалдың толық игеруде Абрахам Маслоудың «Қажеттіліктер пирамидасы» қолданылды. Теориялық сабақтар көрнекі құралдар арқылы түсіндіріліп, зертханалық-практикалық тапсырмаларды оқушылар өз қолымен жасап көргенде сабақ материалын қабылдауы 90 пайызға дейін көтерілетіні анықталды.
Сонымен қатар сабақта игерілген оқу материалын толыққанды ұзақ мерзімді жадыда сақтауға Герман Эббингауздың есте сақтаудың ерекше әдісі қолданылды. Бірінші игерілген сабақты 20 минуттан кейін бір рет, одан соң 2 сағаттан кейін бір рет қайталаудан тұрады. Осы екі әдісті ұштастыра отырып жақсы нәтижелерге қол жеткізді. Информатика пәнінде осындай тиімді әдістер қолданылса, жоғары нәтижелер арқылы оқушылардың қызығушылықтары артып, еліміздің IT бағыты қарқынды дамиды деп сенеміз.
Н.Успанов,
«Ұлағат» білім ордасы»
мектебінің информатика пәні мұғалімі
