Білімді жастар – еңселі ел ертеңі

Адамзат алдында тұратын ұлы мұрат-міндеттердің ең бастысы – өзінің ісін, өмірін жалғастыратын салауатты, саналы, рухани бай және ақыл-парасаты мол, мәдени-ғылыми өресі озық азамат тәрбиелеу. Бұл – біздің қоғам алдындағы борышымыз. Бүгінгі әлемдегі елдер мен халықтардың өзара тарихи байланысының дамуы, экономика, мәдениет пен ғылымның әлемдік деңгейге бет бұруы, ертеңгі күннің бүгінгіден де нұрлы болуына ықпал етіп, адамзат қоғамын алға апаратын құдіретті күш тек білім мен тәрбиеге ғана тән.

Әрбір жеке тұлғаның болашағы өз мектебінде шыңдалады. Ертең осы елге ие болып тәуелсіз еліміздің тізгінін ұстар азаматтар – бүгінгі мектеп оқушылары. Сапалы білім, саналы тәрбие беру әр ұстаздың алға қойған міндеті болса, өз ісінің білімді, өнегелі азаматы болу – әр оқушының міндеті. «Халықты халықпен, адамды адаммен теңестіретін – білім»,- деп ұлы жазушымыз Мұхтар Әуезов айтқандай, елімізді өркениетке апарар жолдың бастауында мектеп тұрады. Мектептегі білім – барша әлем тыныс-тіршілігінің алғашқы іргетасы.

Ұлы Абайдың: «Адам баласы адам баласынан ақыл, ғылым, ар, мінез деген нәрселермен озады» – деген сөздері бүгінгі күні ұрпақтың бәсекеге қабілетті тұлға  болып қалыптасуы өзекті болып отыр. Егемендікке жетіп, еңсе тіктеген тұста үнсіз атқарған іргелі істің бірі дәл сол ілім жиғандар мен қолда бар ғылымның жетістігін сақтап қалу жолындағы жанкештілік болса керек. Содан бері білімменен бәсекелесетін деңгейге жеткендейміз. Оған небір үздіктеріміздің халықаралық пән олимпиадаларында оза шауып, бәйге алғаны дәлел бола алады. Мінекей, осы тұста мен де өз мектебімнің пәндік олимпиада жетістіктерін айта кетейін.

Биылғы оқу жылында өткізілген республикалық пәндік олимпиаданың аудандық кезеңінен 8 оқушы марапатталды. Ардақ Досымханова информатика пәнінен ІІ орын, пән мұғалімі Мадина Қоңырбаева. Жандос Жұбанышев математика пәнінен ІІ орын, пән мұғалімі Сабира Бимырзаева. Айгүл Нағашыбаева тарих пәнінен ІІ орын, пән мұғалімі Жанар Серикбаева. Назар Нағашыбай қазақ тілі пәнінен ІІ орын, пән мұғалімі Айгүл Абдиева. Айкөркем Алтынбаева география пәнінен ІІІ орын, пән мұғалімі Ғабит Сәрсен. Еңлік Болатбекова география пәнінен ІІІ орын, пән мұғалімі Жомарт Ерболатов. Алия Сьездова ағылшын тілі пәнінен Алғыс хат, пән мұғалімі Айгүл Сержанова. Ақерке Жалғасбаева қазақ тілі пәнінен Алғыс хатпен, пән мұғалімі Индира Байбарақова.

Жалпы білім беру ұйымдарының 7-8 сынып оқушылары арасында республикалық юниорлық олимпиаданың аудандық кезеңінен Айдар Достыбаев ІІ орынға ие болды, пән мұғалімі Ақзира Жұбатқанова. Ал, Ғибрат Абжами Алғыс хатпен марапатталды, пән мұғалімі Гүлмарал Ерлепесова.

Аудандық ұлағатты ұстаз, КСРО білім беру ісінің үздігі Сәден Нұртаев атындағы тарих пәнінен өткізілген олимпиададан 9-сынып оқушысы Назар Нағашыбаева ІІ орынды иеленді, пән мұғалімі Асылгүл Жиенмұратова. 10-сынып оқушысы Айкөркем Алтынбаева І орын алып, республикалық кезеңінен қанжығасына ІІ орынды байлады, пән мұғалімі Жанар Серікбаева.

Жалпы білім беретін пәндер бойынша 5-6 сынып оқушыларына арналған республикалық олимпиаданың аудандық кезеңінен Нұрай Нұрлыбекқызы ағылшын тілі пәнінен ІІІ орын алды, пән мұғалімі Шынар Жолдасбекқызы. Еркебұлан Бағдаулет Қазақстан тарихы пәнінен ІІІ орынға ие болды, пән мұғалімі Асылгүл Жиенмұратова. Медина Раушанбекқызы математика пәнінен ІІІ орын иеленді, пән мұғалімі Нұргүл Оңталап. Ал, Аяулым Сәрсенова қазақ тілі пәнінен ІІ орынға қол жеткізді, пән мұғалімі Жұлдызай Тлеуова. Айгерім Ибрагимова болса, ағылшын тілі пәнінен ІІ орынды иеленді, пән мұғалімі Гүлназ Алмұратова.

Аудандық «Абайтану» олимпиадасында 11-сынып оқушысы Назгүл Серікбаева І орынды қанжығаға байлады, пән мұғалімі Индира Байбарақова. 9-сынып оқушысы Әсел Абулкасан ІІ орынға қол жеткізді, пән мұғалімі Гаухар Смағұлова.

Аудандық Қанипа Бітібаева олимпиадасында 10-сынып оқушысы Дилназ Айзакова ІІ орын алды, пән мұғалімі Гүлмира Ахмағанбетова. 9-сынып оқушысы Назар Нағашыбай ІІІ орынға ие болды, пән мұғалімі Айгүл Абдиева.

«Ақберен» олимпиадасынан 8-сынып оқушысы Еркебұлан Жалғасбаев ІІ орынға ие болды, жетекшісі Назира Жакипова, ал 11-сынып оқушысы Жасұлан Жұбанышев ІІІ орынға қол жеткізді, жетекшісі Индира Байбарақова.

Білімді ұрпақ – еліміздің болашағы, ертеңі. Тәуелсіз еліміз қанатын кере жайып, ел мәдениеті өркендеген қазіргі заманда тек білімді жастар ғана ұлтымызды асқақ, елімізді көкке көтереді. Қоғамның негізгі өзегі – жастар. Қазақстанның болашағы жастар еншісінде екенін ескерсек, сол жастардың сапалы білім алып, тәрбиелі, парасатты азамат болып қалыптасуына қоғамның да ықпалы зор екені анық. Саналы қоғамда білімді азаматтармен бірлесе өмір сүрген жастар өз бойында білімге деген құштарлық пен ізгі сезімдерді қалыптастыратыны сөзсіз. Сондықтан Қазақстанның жарқын болашағы тек білімді жастармен ғана қалыптаспақ.

Зағираш Бержанова,

№85 орта мектебінің

оқу-тәрбие ісі жөніндегі орынбасары

Пікір үстеу

Э-пошта мекенжайыңыз жарияланбайды. Міндетті өрістер * таңбаланған