Мектеп мұғалімдеріне әдістемелік қолдау көрсетілді

«Өрлеу» БАҰО» АҚ филиалы Қызылорда облысы бойынша кәсіби даму институты ҚР Оқу-ағарту министрлігінің Жол картасы аясында қазан-желтоқсан айларында облыстың орта мектептерінде білім алушылардың білім жетістіктерінің мониторингін жетілдіру бойынша ғылыми-жаратылыстану, математикалық және оқу сауаттылығын қалыптастыруда семинарлар ұйымдастыруда. «Мұғалімдердің пәндік құзіреттіліктерін дамыту. Оқытудағы жаңа әдістер мен технологиялар» тақырыбында семинарларды 30 қазан мен 1 қараша аралығында Қызылорда қаласы Б.Ермекбаев атындағы №271, Қазалы ауданы Ж.Жабаев атындағы №234 және Шиелі ауданы М.Ломоносов атындағы №47 мектептердің базасында өткізді. Семинарға Қызылорда қаласы, Сырдария, Жалағаш, Қазалы, Қармақшы, Шиелі Жаңақорған аудандарының әдістемелік қолдауды қажет ететін 30 мектептің жаратылыстану, гуманитарлық бағыттағы пәндер педагогтері, бастауыш сынып мұғалімдері барлығы 11 пән бойынша қатысты.

Семинар аясында құзыреттілікке бағдарланған тапсырмалар талданып, педагогтерге білім алушылардың жаратылыстану, математикалық, оқу сауаттылығын дамытуға негізделген тапсырмаларды құрастыру жолдары және оларды сабақта тиімді қолдану әдіс-тәсілдері көрсетілді.

2023 жылдың 17 қарашасы күні «Өрлеу» БАҰО» АҚ Қызылорда облысы бойынша кәсіби даму институтында білім алушылардың білім жетістіктері мониторингіне қатысқан орта білім беру ұйымдары үшін әдістемелік ұсынымдар шарасы аясында математика пәні мұғалімдеріне арналған «Жалпы білім беретін мектептерде математиканың күрделі тақырыптарын оқытуды жетілдіру» тақырыбында семинар өткізілді. Семинардың мақсаты – орта мектептерде математика пәні мұғалімдерінің тәжірибесін жетілдіру және кәсіби құзыреттіліктерін арттыру, тәжірибе алмасу, математикалық сауаттылық аясында мектеп оқушылары үшін қиындық туғызатын тақырыптарды игерту барысындағы үлгілі сабақтарды ортаға салып, өзара тәжірибе алмасу.

Семинарға «Өрлеу» БАҰО» АҚ басқармасының Білім бағдарламалары және курсаралық қамтамасыз ету департаментінің бас маманы Гүлдана Маханбетова және Қызылорда қаласындағы жалпы білім беретін орта мектептерден 25 математика пәні мұғалімдері қатысты. Білім алушылардың білім жетістіктерінің мониторингі нәтижесінде оқушыларға қиындық туғызған күрделі тақырыптар, облыс бойынша көрсетілген нәтижелер, семинар барысында талқыланатын тақырыптар бойынша «Өрлеу» БАҰО» АҚ филиалы кәсіби даму институтының аға оқытушысы О.Орманов тақырыптың ерекшеліктеріне сай оқыту барысында пайдасын тигізетін әдіс-тәсілдерді ортаға салды.

2023 жылдың 21 қарашасында Шиелі ауданындағы №241 орта мектеп базасында «Ізденіс пен дағды-физика пәнінен білім алушыларды функционалды сауаттылыққа бейімдеу жолдары» атты тақырыппен физика пәні мұғалімдеріне арналған семинар-практикум болып өтті. Семинар барысында «Өрлеу» БАҰО» АҚ Қызылорда облысы бойынша кәсіби даму институтының кафедра меңгерушісі У.Ешимова білім беру жетістіктерінің мониторингі қорытындысы бойынша оқушыларға қиындық туғызатын тақырыптарды оқытуды жетілдіру мақсатында «Электростатика негіздері. Электр өрісі. Кулон заңы» және «Қозғалыс графиктері» бойынша шебер сыныбын жүргізді. Жүргізілген таратпа материалдар арқылы мұғалімдер қажеттіліктері анықталып, осы бағытта жұмыстар жүргізу үшін нақты ұсыныстар берілді.

«Өрлеу» БАҰО» АҚ Қызылорда облысы бойынша кәсіби даму институтының жоспарына сәйкес, аталған әдістемелік семинарлар алдағы уақытта да жалғасын таба береді.

С.Серікбаев,

«Өрлеу» БАҰО» АҚ филиалы Қызылорда облысы бойынша КДИ директорының орынбасары

Пікір үстеу

Э-пошта мекенжайыңыз жарияланбайды. Міндетті өрістер * таңбаланған