Ақпан айында табиғат қорғау заңнамасын бұзудың алдын алуды, биологиялық ресурстар объектілері мен өнімдерінің заңсыз айналымын анықтау және жолын кесуді, экологиялық қылмыстарды ашуды мақсат еткен «Браконьер» жедел-профилактикалық іс-шарасы облыс көлемінде өткізілілді.
Жүргізілген рейдтік шаралар барысында полицейлер табиғат қорғау заңнамаларын бұзушылықтың 190 дерегін анықтады, оның 6-уі қылмыстық іс және 184-і әкімшілік құқықбұзушылық деректер. Оның ішінде, заңсыз балық аулаудың 133, балық аулау және балық ресурстары мен басқа да су жануарларын қорғау қағидаларын бұзудың 15, тіркелмеген қаруды заңсыз сақтаудың 9, аңшылық қаруды сақтау ережесін бұзудың 27 дерегі анықталған.
