Жаратылыс. Әлемнің жаратылысы, тіршіліктің таңқаларлық кейпі, қалай пайда болғаны кез-келген адам үшін, оқушы бала үшін қызық. Оқытудың пәні – жаратылыстану деп аты айтып тұрғандай, тарихтың да, адамның да, табиғаттың да жаратылысын тану осы пәннен бастау алады.
Пән биология, география, дүниетану, тарих, қоғамтану, физика сынды ғылым-білім саласымен тікелей байланысты. Оқушы үшін де ең қызықты пән. Жалпы, заман өзгерген сайын оқытудың әдіс-тәсілі мен теорисы дамыған сайын жаратылыстануды оқытудың да өте қызықты әрі тартымды әдістері пайда болуда. Мәселен, 3 D экрандар арқылы тіршіліктің тыныштықта ең алғаш бүр жарып пайда болып жатқаны, өсімдіктердің жарқыраған жаңа кейпі мен адамзат дәуірінің кезеңдері оқушыға вертуалды экран арқылы суреттелгенде бұл пәннің маңызы да арта түседі.
Бүгінгі оқытушының негізгі мақсаты – оқытуды сапалы әрі қызықты өткізу. Оқушының пәнге деген қызығушылығын арттыру. Заманауи медотикамен сабақ процесін ұштастыру арқылы білім сапасын арттыру. Әрине, бұл мақсатты еліміздің әрбір педагогы басты назарға алған болар. Өйткені, бүгінгі күн оқытушы үшін үлкен өзгерістерді талап етуде.
Мен де жаңа заманның жас педагогы ретінде «Цифрлы технологиялық» сауаттылығымды арттырып, сабақ процесінде өз білімімді практикадан өткізіп жүрмін. Мәселен, үй тапсырмасын сұрағанда ауызша сауал жолдағанша, арнайы сұрақтар дөңгелегін айналдырып жіберген жақсы. Экранға қараған бала әрі қызығып, әрі сабаққа деген ынтасы өседі. Өйткені, айналма дөңгелекте үй тапсырмасына қатысты әртүрлі сауалдар жасырылады.
Оқытушыға қойылар келесі талап – баланың қабілетін тану. Сабақтағы іс-қимылын көру арқылы, бойындағы бейімін аша білу. Бұл зерттеуді жасауда жаратылыстану пәнінің де мазмұны терең. Тіршіліктің әрбір ұғымын танып, білу, оны жеткізе алу – үлкен қабілет.
Білім. Ұрпақ алдындағы ең құнды дүние. Білімнің сапалылығы шығармашыл, жасампаз ұстазға тікелей байланысты. Мен де ұлағатты ұрпағын сүйген ұстаз ретінде ел келешегіне, ұрпақтар біліміне адал еңбек етуді басты мақсатқа қойдым. Жаратылыстану пәнінің қыр-сырын тереңнен меңгертіп, табиғатпен тыныстап, өмірді сүюге бейімдеу – белгілі бағытымның бірі…
Таңшолпан Сәрсенова,
№37 мектеп-лицейінің «Жаратылыстану» пәнінің оқытушысы
