ТҰРҒЫНДАРДЫҢ ЖЕКЕ МӘСЕЛЕСІ ӘКІМНІҢ ӘР КЕЗ НАЗАРЫНДА

Облыс әкімі Нұрлыбек Нәлібаев тұрғындардың жағдайын біліп, мәселелеріне құлағдар болу үшін олармен кездесуді күн тәртібінен түсірген емес. Қазірде шулап жүрген тұрғын көрмейсің. Себебі мәселе туындаса, әкіммен кездесу мүмкіндігі бар. Тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады. Сонымен бірге басқарма басшыларын да өз салалары бойынша кездесуді тапсырған.

Өткен аптада аймақ басшысы кезектілік тәртібімен жазылған азаматтарды қабылдады, бетпе-бет кездесіп, әңгімесін тыңдады. Тұрғындар қозғаған мәселелердің қатарында көбінесе тұрғын үй алу, құқығын қорғау және кәсіп ашу бар.

Қабылдауға келіп ұсыныс-пікірін, өтінішін жеткізушілердің сауалдары назардан тыс қалған емес. Мамандар әрбірінің себеп-салдарын жіті зерттеп, шешімін заң талаптарын негізге ала отырып қарастырады. Қабылдауға келушілердің кейбірі өз сұрақтарына қатысты түсіндірме жауапты сол жерде алса, енді бірі көтерген мәселесінің шешілу жолдарын біліп кетті.

Мәселен, Кеңес Одағының батыры Ж.Қизатов тұрған үйдің шатырын жөндеуге көмек сұрап келген зейнеткердің мәселесі кәсіпкерлердің көмегімен шешілетін болды. Мұнан бөлек, жұмыс істеп, табыс табу үшін компьютер сұраған І топ мүгедегі мен баспанаға мұқтаж, табысы төмен кісіге көмек көрсетіледі. Бүгінгі қабылдауда жас спортшы Олжас Оразалыұлының анасы да қуанышты хабар естіді. Олжас Оразалыұлы – әлемдік және Олимпиада рейтингтерінде 1 орында тұрған парадзюдошы, биыл Париж қаласында өтетін Паралимпиада ойындарына қатысуға үміткер. Спортшының қызметтік үйіне жекешелендіру құқығын беруді сұраған ананы Нұрлыбек Машбекұлы «Олжас Паралимпиададан жүлделі орын алса, оған өзім үй алып беремін» деп қуантты.

Әкімнің алдынан көпшілігі қуанып шығады. Содан болар, қазірде облыс әкімінің қабылдауына кіруге асығатын жандар қатары көп. Бұл әкімге деген сенімнің артқанын көрсетеді.

Е.Елдосұлы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған