Қызылорда облысының білім басқармасы басшысының 30.04.2024 жылғы №36-ЖҚ бұйрығымен қалалық білім бөлімінің басшысы болып Сәдуақасова Жанат Мылтықбайқызы тағайындалды.
Жанат Сәдуақасова “шетел тілі: екі шетел тілі” пәні мұғалімі. Ол еңбек өтілін 1989 жылы №211 мектептің ағылшын тілі пәні мұғалімі болып бастап, осы еңбек жолында ұрпаққа саналы білім беріп, жігерлігінің арқасында 1994-1997 жылдар аралығында №235 мектеп директорының оқу-тәрбие ісі жөніндегі орынбасары болып қызмет атқарған. 1997-1999 жылдар аралығында қалалық білім бөлімі басшысының орынбасары, 1999-2020 жылдар аралығында №7, 217, 11 мектептерінің директоры болған. 2020 жылдың 14 сәуірінен бастап осы күнге дейін №2 Абай атындағы үш тілде оқытатындарынды балаларға арналған мамандандырылған сыныптары бар мектеп директоры болып қызметке тағайындалған.
Жанат Мылтықбайқызы білім саласында қажымай еңбек атқарып, жаңа идеялармен бөлісіп, жаңашылдыққа деген ізденіспен 2004 жылы АҚШ мемлекетінің грантымен, Миннесота штаты, Солт-Лейк-Сити қаласында тәжірибе алмасудан өтсе, 2018 жылы Израиль мемлекетінің грантымен Иерусалим қаласында тәжірибе алмасу бағдарламасы бойынша білім алған.
Қоғамдық жұмыстарға белсене араласып, Сыр елі аналарының мәртебесін көтеруде ерен еңбек етуінің арқасында “Қызылорда қалалық әйелдер кеңесі” қоғамдық бірлестігінің төрайымы қызметін атқарып келеді.
Өзінің білімдарлығымен, еңбекқорлығымен, талапшылдығымен өз ортасында беделге ие, білім саласында білікті басшы ретінде белгілі тұлға Жанат Мылтықбайқызын жаңа қызметімен құттықтап, абырой мен табыс тілейміз.
«Ұстаз мәртебесі» газеті
