Қызылорда қалалық білім бөлімінің басшысы Ерлан Боданов

Күні кеше ғана Қызылорда қаласы бойынша білім бөліміне жаңа басшы келді. Білім бөлімінің басшысы болып Ерлан Теңізбайұлы Боданов тағайындалды.

Ерлан Теңізбайұлы Қорқыт ата атындағы Қызылорда педагогикалық институтының түлегі. Еңбек жолын Қызылорда қаласындағы №23 мектеп-лицейдің математика және информатика пәні мұғалімі болып бастаған. Содан соң осы мектепте мектеп директорының ғылыми-әдістемелік ісі жөніндегі орынбасары қызметтерін атқарған.

Қызылорда қалалық білім бөлімінің әдістемелік кабинетінің әдіскері, білім бөлімінің жетекші маманы, Қызылорда қаласы әкімдігінің қала әкімі аппаратының ақпараттық технологиялар және бағдарламамен қамтамасыз ету бөлімінің бас маманы қызметтерін қалтқысыз атқарған Ерлан Теңізбайұлы білім бөлімі басшысының орынбасары лауазымына дейін көтеріліп, өзіне жүктелген міндеттерді абыройлы орындаған.

Ерлан Боданов Қызылорда қаласындағы М.Ә.Сужиков атындағы №6 орта мектептің директоры және Қызылорда қалалық білім бөлімінде бас маман қызметтерін де жоғары деңгейде адал атқарып, білім саласына сүбелі еңбек сіңіріп келе жатқан азамат. Міне, осы еңбектері ескеріліп, алдағы уақытта қаланың бас ұстазы тізгінін ұстайтын болады.

Жауапкершілігі мен ұйымдастырушылық қабілеті жоғары, креативтілік, бастамашылдық, оптимистік қасиеттерін бойына жиған, білім саласында тәжірибесі мол Ерлан Теңізбайұлын жаңа қызметімен құттықтай отырып, абырой мен табыс, білім саласына жаңашылдық пен жетістіктер тілейміз.

«Ұстаз мәртебесі» газеті

Пікір үстеу

Э-пошта мекенжайыңыз жарияланбайды. Міндетті өрістер * таңбаланған