«Ұстаз мәртебесі» газеті үздік басылымдар тізімінде

Медиа кеңістікте өз орнын алып, өз аудиториясын тапқан, педагогтардың мәртебесін көтеруде әрі олардың педагогикалық тәжірибесін насихаттауда 13 жылдан бері Қызылорда қаласынан жарық көріп келе жатқан қоғамдық-әлеуметтік, ғылыми-көпшілік «Ұстаз мәртебесі» газеті бүгінде жаңа белестерге аяқ басты. Соның бір дәлелі, ҚР Оқу-ағарту министрлігінің Орта білім беру комитетінің 2024 жылғы 20 мамырдағы №20-1-20-7/3360-И хатына сәйкес 2024 жылы үздік педагогикалық тәжірибені жариялау үшін ұсынылған басылымдар тізіміне «Ұстаз мәртебесі» газеті (тізімде 96) еніп отыр. Бұл өз кезегінде Қызылорда облысындағы педагогтардың Орта білім беру комитетінің тізіміне енген өзге өңірлердегі басылымдарға тәуелді болмай, «Ұстаз мәртебесі» газетінің оқырманы болуы арқылы тәжірибелерін насихаттауда байланыс құруларына кеңінен жол ашылып отырғанын көрсетеді.

Оның үстіне, «Ұстаз мәртебесі» газеті аймақтағы жетекші баспа БАҚ арасында үш тілде: қазақ, орыс, ағылшын тілдерінде жарық көретінімен ерекшеленеді. Бұл орта мектептер мен колледждердегі оқытушылар мен педагог мамандардың үш тілде де материал берулеріне мол мүмкіндік.

Ендеше құрметті ұстаз, сіз өз педагогикалық тәжірибеңізбен бөлісіп, сабағыңызды жариялап, портфолияға жарамды материал салғыңыз келсе, «Ұстаз мәртебесі» газетіне 6 айға жазылып қойыңыз.

«Ұстаз мәртебесі» газетіне 2024 жылдың ІІ жартыжылдығына жазылу «Қазпошта» АҚ арқылы жүргізіледі. Газетке жазылу бағасы 6 айға жеке тұлғаларға Қызылорда қаласы үшін 2880 теңге, аудандарға 3090 теңге. Ал, мекемелер үшін ортақ баға 4080 теңге. Жазылу индексі: 65035.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған