Баспасөз – 2023

«Ұстаз мәртебесі» газетіне жазылу басталды

Қоғамдық-әлеуметтік саладағы жаңашылдықтар мен өзгерістерді, білім, өнер, денсаулық, спорт, құқық бағытындағы ақпараттарды оқырманға дер кезінде жеткізіп, қоғамдық пікір қалыптастыруда өз аудиториясы, ақпарат кеңістігінде өзіндік орны бар «Ұстаз мәртебесі» газеті өңірлік басылымдар арасында 12 жылдан аса уақыттан бері үздіксіз жарық көріп келеді. Аймақтағы жетекші баспа БАҚ арасында апта сайын жарыққа шығып, үш тілде: қазақ, орыс, ағылшын тілдерінде жарық көретінімен ерекшеленеді.

Әр апта сайын оқырманмен қауышып, әлеуметтік ахуалды сараптап, білім саласындағы ең өзекті жаңалықтарды талдап, денсаулығыңызға алаңдайтын, өнер мен мәдени жаңалықтарды және спорттағы жетістіктерді салмақтайтын, жастардың жанашыры бола білген, кәсіпкерлік пен құқықтық бағыттағы тың ойларды бір арнаға тоғыстыратын «Ұстаз мәртебесі» газетіне жазылуды ұмытпаңыз.

«Ұстаз мәртебесі» газетіне 2023 жылдың ІІ жартыжылдығына жазылу «Қазпошта» АҚ және редакция арқылы жүргізіледі. Газетке жазылу бағасы 6 айға жеке тұлғаларға Қызылорда қаласы үшін 2640 теңге, аудандарға 2880 теңге. Ал, мекемелер үшін 3840 теңге. Жазылу индексі: 65035.

«Әлімсақ» журналы рухыңызды көтереді

«Әлімсақ» журналы – кешегіні бүгінгіге жалғастырар рухани көпір. Ұлттық иммунитетті әлсіретпей, халық санасында ұлттық идеологияны жаңғыртып, халқымыздың ұлт әдебиетінен, діні мен тілінен алыстамауы үшін, әдет-ғұрып, салт-дәстүріміздің өзі мәдениеттіліктің бастауы екенін көрсету – журналдың ұстанымы.

Мәдениет пен әдебиет, тарих пен дін, білім мен өнер саласындағы салмақты материалдарды оқырманға ұсынып, Қызылорда топырағынан шыққан майталман тұлғаларды халыққа насихаттап жүрген Сыр бойынан шыққан алғашқы журнал. Басылым бетінде ұлттық тәлім-тәрбиені, ой-сананы тәуелсіз мемлекет тірегіне айналдыру турасында талай ой-пікірлер талқыға түсті.

Қазірде «Әлімсақ» журналы республика көлеміне тарайды және «Қазпошта» арқылы республиканың кез келген нүктесінен жазылуға мүмкіндігі бар.

Сырдың өткенінен сыр шертіп, бүгінімен сабақтастырған, «Әлімсақ» журналына 2023 жылдың ІІ жартыжылдығына жазылу «Қазпошта» АҚ арқылы жүргізіледі. Жазылу бағасы Қызылорда қаласы үшін 6 айға 2880 теңге, аудандар үшін 3000 теңге. Мекемелер үшін 3990 теңге. Индексі 74211.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған