Көпбейінді облыстық балалар ауруханасында Денсаулық сақтау министрлігінің штаттан тыс бас неонатальды хирургі Асылжан Ерекешов неонаталды хирургтар арасында мастер-класс өткізді.
Шеберлік сағатында туа біткен даму патологиясы бар нәрестеге ота жасалды. Балаға І этапты оперативті емі сәби кезінде жасалынса, енді ІІ этапты ота жасалынып отыр.
Отаға анестезиолог Мақсат Құттыбалаұлы, хирург Асылжан Әбубәкірұлы, Болат Үмбетиярұлы, Серік Кеңесұлы қатысты.
Айта кету керек, бүгінде бұндай жоғары мамандарылған көмек туа біткен даму патологиясы бар балаларға қолжетімді.
Бұрын асқазан ішек жолдарының даму ақаулары кезінде дәрігерлер бірінші кезеңді отаны жасап, еліміздің орталық клиникаларына жіберетін. Қазіргі таңда өз өңірімізде жасалуда.
Шеберлік сағаты барысында екінші этапты ота жасалып, неонатальды хирургтерге ерекшеліктері түсіндірілді.
Қ.ӘНДЕШ
