Басылымға – 12 жыл

«Ұстаз мәртебесі»

газеті ұжымына!

Мәртебесі ұстаздың ұлық ұғым,

Шәкіртінен аямас жылылығын.

«Ұстаздың мәртебесі» көтереді,

Ғылым, білім, мектептің ұлылығын.

Он екі жыл ақпарат айдынында,

Ұлт үшін еңбек ету әр кез ойда.

Қазағына айтары басылымның:

«Басқалардан қалыспа, белді байла!».

Ұстаздар аласармас биіктілік,

Бойына асыл мінез жиып тұнық.

Мұғалімге мәңгілік құрмет көрсет,

Басыңды әрқашанда иіп тұрып.

Шәкірттер түлеп ұшқан шыңың дер ем,

Дәулет, Асқар, Әділбек білімді ерен.

Абай, Абзал, Айдостың орны бөлек,

Майра, Әйгерім, Жұлдызай күнің дер ем.

Мақсатын талай жастың орындадың,

Көрсетіп тілшілікте жолын жалын.

Назерке мен Шернияз маман болып,

Өмірден тапқан қазір орындарын.

Келеді кемел жолды қорғап бәрі,

Айдар, Елдос жүр жолын жалғап тағы.

Капитаны Нұрланы Көбегеннің,

Қазақбай мен Замира солдаттары.

Ұлттың сөзін айтудан жалықпаңдар,

Ақпараттық айдында қалықтаңдар.

Қаламдарың ұшталып күннен-күнге,

Жазарларың көп болсын, шарықтаңдар!

Өтебай Серәлі,

Ақтөбе қаласы, газет оқырманы

15.03 2023 ж.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған