Онлайн несие рәсімдеді деген күдікпен облыс тұрғыны ұсталды

Телефон арқылы жеке деректерді біліп алып, өзге адам атынан несие рәсімдейтіндер көбейіп кетті. Тіпті смартфонды қашықтықтан басқарып, өзге біреудің банк қосымшасына дейін кіре алатын жағдайға жеткен. Сөйтіп, электронды цифрлы қолтаңбаны да бұзып алады екен. 2022 жылдың 3 айында Қызылорда облысы бойынша 64 азамат осындай алаяқтарға алданған.

Қызылорда облысы Полиция департаментінің Жалағаш аудандық полиция бөлімінің кезекші бөліміне аудан тұрғыны арызданған. Оның айтуынша 2021 жылдың желтоқсан айындатанысы ұялы телефонын сұрап алып,ақпараттық жүйе арқылы 495000 теңге онлайн несие рәсімдеп алған.

Күдіктіні анықтау мақсатында полиция қызметкерлері қажетті жедел-іздестіру іс-шараларын жүргізіп, нәтижесінде ауыл тұрғыны ұсталды.

Аталған дерек бойынша Қазақстан Республикасының Қылмыстық кодексінің 190-бабының 2-бөлігі 4-тармағы (Ақпараттық жүйені пайдаланушыны алдау немесе сенімін теріс пайдалану жолымен жасалған алаяқтық)бойынша сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.

Қызылорда облысы Полиция департаментінің басшылығы азаматтарға қырағы болу және бейтаныс адамдарға сенбеу қажеттігін ескертеді.

«Ұстаз-ақпарат»

Пікір үстеу

Э-пошта мекенжайыңыз жарияланбайды. Міндетті өрістер * таңбаланған