Қызылордалық IT мамандар білім саласын саудаға айналдырған

Екі кештің арасында әлеуметтік желі шу ете қалды. Бұрыннан бері бірі мақтап, ал бірінің көңіліне онша ұнап жүрмеген Ұлттық тестілеу орталығы туралы жағымсыз ақпарат желдей есті. Ақпараттың артындағы «оқша борап жатқан сөз» бұдан да сұмдық. «Әр тест тапсырушының жоғары балл алу үшін құны бар екен» дегендер шықты. «Мұғалімдер үшін пәленше, мектеп директоры мен балабақша меңгерушілері үшін түгенше» дейді білгіштер. Тіпті, модератор, сарапшы, зерттеуші үшін сұралатын ақшаның құнын өздерінше болжап айтады. Әрине, сенгіміз келмейді. Бірақ «жел тұрмаса, шөптің басы қимылдамайтыны» тағы бар. Оның үстіне, сот дәлелдеп беріп отыр. Киберқылмыстың көкесі кейбір қылмыстың тасасында қалғандай ма дерсің?!.

«Әлемде компьютерлік тестке көшкен ел жоқ екен. Неге?» дейді Ұлттық тестілеу орталығы Қызылорда облысы бойынша филиалының басшысы. Асқар Әлиұлы. Сол «негенің» астарында көп нәрсе жасырынып тұрғандай. Бәрі үнсіз, жауапкершіліктен қашады. «Жаңа Қазақстанда бәрі басқаша болу керек» деп ұрандайды, бірақ іске келгенде бұғып қалады. Тестілеуге барып жатқан өзіміздің балалар, арамызда жүрген ұстаздар. Олар туралы неге жақ ашпаймыз? Ары таза ата-ана бүлініп жатқан жерге мектеп бітіріп жатқан, жаманшылықтан бойын аулақ ұстаған, әлі қоғамның құйтырғысын көрмеген баласын неге апару керек? Неге теріс әрекетке былғану керек? Керісінше, пара берген ата-ана мен педагог қоғам алдында неге жауап бермейді? Министрліктің бұл әрекетке бағасы қандай? «Кім пара берді, кім пара алды, тестіні парамен өту білім сапасына әсер етпей ме?» деген сұрақтар неге бізді ойландырмайды?

Қызылорда облыстық сотының баспасөз хатшысы Ардақ Смағамбетова оқиғаның биыл наурыз айында болғанын, ал үкімнің 6 желтоқсанда шыққанын айтты. Біз осы орайда оқырманға ой тоқтату үшін жария­ланған ақпараттарды және соттың  үкімін қаз-қалпында жариялап отырмыз.

«Чёрные айтишники» в Кызылорде обманули государство на 27,5 млн. тенге

«Услугами киберпреступников пользовались как школьники, так и учителя, которые боялись не пройти квалификационное тестирование. Суд № 2 Кызылорды вынес приговор по уголовному делу в отношении группы киберпреступников, которые за деньги помогали школьникам, учителям и директорам школ успешно сдавать ЕНТ и квалификационные тесты. Все подсудимые получили условные сроки, сообщили в пресс-службе судебного ведомства.

Суд установил, что шестеро подсудимых совершили тяжкие преступления в сфере информатизации и связи. В частности, двое граждан договорились с техническим директором центра тестирования о проведении незаконного тестирования – за счёт этого они хотели подзаработать. Оператор местного филиала Национального центра тестирования согласился организовать неправомерное подключение к базе в обмен на денежную мзду. Ещё один подсудимый, специалист по IT-технологиям, подготовил устройство «тонкий клиент», позволявшее ему получать удалённый доступ к компьютерам тестируемых, и передал его своему подельнику.

Оператор, замешанный в преступной схеме, удалённо подключился к базе «компьютерное тестирование» и более чем к 100 тестовым компьютерам. Он получил возможность копировать вопросы теста и получал правильные ответы, а через приложения для удалённого доступа ставил высокие баллы другим участникам аферы.

«В результате противоправных действий подсудимых государству причинён материальный ущерб на 27.594.052 тенге. Однако в ходе досудебного расследования ущерб полностью возмещён», – сообщили в пресс-службе суда №2 города Кызылорды».

informburo.kz

Қылмыстық схеманы жүзеге асырған

Қызылордада ІТ мамандар оқушылар мен ұстаздарға ұлттық бірыңғай тестілеу және біліктілік сынағынан өту үшін тест жауаптарын саудалап келген. Құйтырқы айла тауып, қызметін пұлдағандар мемлекетке 27 миллион 500 мың теңге көлемінде залал келтірген. Қаладағы Ұлттық тестілеу орталығының операторы және тағы екі адам сыбайласып, қылмыстық схеманы жүзеге асырған. Олар орталықтағы 100 компьютерге өзге құрылғылар арқылы қосылып, тест тапсырушылардың сұрақтарына дәл жауап тауып беріп отырған. Бірақ құзырлы орган алаяқтардың әрекетін әшкерелеп, кінәсін толық дәлелдеді. Айыпталушылар мемлекетке келтірген шығынды толық өтеп, сот бәрін үш жыл мерзімге шартты түрде бас бостандығынан айырды.

«Қазақстан» ұлттық арнасы

Қылмыскерлер тиісті жазасын алды

Сотталушылар А., Қ., М., Щ., К., Н. ақпараттандыру және байланыс саласына қарсы ауыр қылмыстық құқық бұзушылық жасаған. Атап айтқанда С. мен Д жеңіл жолмен пайда табу мақсатын көздеп, мектеп түлектерін, орта білім беру ұйымдарының мұғалімдері мен басшыларын ақшалай сыйақы алу арқылы тестілеуден заңсыз өткізуді жоспарлап, ЖШС техникалық директоры Н.-мен өзара сөз байласқан. Келісімге сәйкес, Ұлттық тестілеу орталығының «компьютерлік тестілеу» базасына заңсыз қашықтықтан қосылуды филиал операторы А.-ға айтып, түскен пайдадан үлес беруге уәделескен.

ІТ маманы Щ. тестіленушілердің компьютерлеріне қашықтықтан қол жеткізетін «тонкий клиент» құрылғысын дайындап, оны М.-ға тапсырған.

Осылайша оператор А. Ұлттық тестілеу орталығының «компьютерлік тестілеу» базасына тестілеу орталығына тиесілі компьютерге қашықтықтан қосылу арқылы 100-ден астам тестілеу компьютерлеріне заңсыз қосылып, құқыққа сыйымсыз қол жеткізіп, тес­тілеу сұрақтарын көшіруге толықтай мүмкіндік алып, тестілеу уақытында «VNC Viewer» және «AnyDesk» қосымшасы арқылы «компьютерлік тестілеу» жүйесімен дұрыс жауаптарын белгілеп, тестіленушілерге жоғары балл алып беріп, тиісті сыйақыларын алған.

Сотталушылардың заңсыз әрекеттері нәтижесінде, мемлекетке 27594052 теңге материалдық шығын келтірген. Алайда сотқа дейін тергеп-тексеру барысында шығын толық өтелген.

Сот үкімімен сотталушылар А. мен Қ. ҚК-нің 205-бабының 3-бөлігімен және 208-бабының 3-бөлігінің 2-тармағымен кінәлі деп танылып, 3 жыл мерзімге; cотталушылар М. мен Щ. ҚК-нің 28-бабының 5-бөлігі, 205-бабының 3-бөлігімен және 208-бабының 3-бөлігінің 2-тармағымен кінәлі деп танылып, 3 жыл мерзімге; cотталушылар К. мен Н. ҚК-нің 28-бабының 5-бөлігі, 208-бабының 3-бөлігінің 2-тармағымен кінәлі деп танылып, 3 жыл мерзімге бас бостандығынан айыру жазасы тағайындалды.

Барлық сотталушыларға ҚК-нің 63-бабының 1-бөлігіне сәйкес шартты жаза тағайындалды. Үкім заңды күшіне енбеген.

Қызылорда қаласының №2 соты

Пікір үстеу

Э-пошта мекенжайыңыз жарияланбайды. Міндетті өрістер * таңбаланған