ҚР Бас прокуратурасының Құқықтық статистика және арнайы есепке алу комитетінің Қызылорда облысы бойынша басқармасы және Қорқыт ата атындағы Қызылорда университеті арасында ынтымақтастық меморандум жасалды.
Құжат болашақ заңгерлердің кәсіби шеберлігін арттыруына, тәжірибе жинақтап, жұмысқа орналасуына мүмкіндік бермек.
Жиынға Құқықтық статистика және арнайы есепке алу комитетінің Қызылорда облысы бойынша бастығының міндетін атқарушы Руслан Бусурманов пен Қорқыт ата атындағы Қызылорда университетінің Басқарма төрағасы — ректоры міндетін атқарушы, Академиялық мәселелер бойынша Басқарма мүшесі – проректор Дана Абдрашева қатысып, келісімге қол қойды.
