Басқарма басшысы білім беру саласы бойынша өтініштер мен шағымдарды тыңдады

Білім саласында атқарылған жұмыстармен қатар мәселелер де бар. Өтініштер мен ұсыныстар да айтылады. Жақында білім басқармасының басшысы Асқарбек Есжанов қордаланған мәселелер бойынша «Аманат» партиясы Қызылорда облыстық филиалында қоғамдық қабылдау өткізді.

Қабылдауға 13 тұрғын келіп, сала бойынша сұрақтарын, өтініштері мен шағымдарын білдірді. Атап айтқанда, Тестер.кз платформасын облыстық деңгейде енгізу және VR бағдарламалары бойынша жобаларға қолдау білдіру бойынша ұсыныстар айтылса, жаңа жылдық шырша, педагог мамандығы бойынша жұмысқа орналасу және еңбек даулары сынды тақырыптар бойынша өтініштер мен шағымдар аталды.

Басқарма басшысы А.Темірбекұлы барлық мәселені мұқият тыңдап, қолданыстағы заңнама аясында түсіндірме жұмыстарын жүргізетінін, оң шешімге қол жеткізу бойынша тиісті шаралар қабылданатынын жеткізді. Білім саласында жұмысқа орналасу заңдылығы түсіндірілді. Еңбек нарығы бәсекелестік орта екені, бос жұмыс орындары анықталса, құжаттарын тапсыру жолдары айтылды. Жаңа жылдық шыршаға қатысушылар тізімін арнайы комиссия белгіленген критерийлер бойынша жасақтайтыны жеткізілді.

Сонымен қатар, кейбір білім беру ұйымдарының басшылық құрамына қатысты шағымдар қаралып, басқарма жанындағы педагогтардың құқығын қорғау бойынша комиссияда қарауына жолданатынын, комиссия зерттеуінің нәтижесі бойынша тиісті шаралар қабылданатынын түсіндірді. Білім беру саласында заң үстемдігі негізгі міндет екені және педагогтар мен тәрбиешілердің құқықтарын қорғау басты назарда болатыны айтылды. «Aманат» партиясының сайлауалды бағдарламасында білім беру саласын жетілдіру бойынша жоспарланған қадамдар мен осы уақытқа дейін атқарылған шаралар бойынша келушілерге ақпарат берілді.

Әр кезде сұрақтарға бетпе-бет келіп, оның шешілуіне жұмыс жасайтын Асқарбек Темірбекұлы қабылдау барысында аталған барлық мәселе оң шешілгенге дейін жеке бақылауында болатынын жеткізді.

Б.Санақұл

Пікір үстеу

Э-пошта мекенжайыңыз жарияланбайды. Міндетті өрістер * таңбаланған