«Өмірі болған өнеге»облыстық педагогикалық оқу өткізілді

 Қаламызда 90 жылдан астам тарихы бар білім ошағы Қызылода аграрлық техникалық колледжге халқына адал қызмет жасап, үлкен абыройға ие болған азамат Социалистік Еңбек Ері Исатай Әбдікәрімовтің есімі 2003 жылы Қазақстан Республикасы Үкіметінің №497 қаулысымен берілген болатын. 20 жылдан бері колледжіміз Социалистік Еңбек Ерінің есімімен аталып, халқына абыроймен қызмет етіп келеді.

Биыл 2023 жылы 15 мамырда Исатай Әбдікәрімов атамыздың дүниеге келгеніне 100 жыл болады. Осыған орай атаулы күнді облыс көлемінде атап өту жоспарлануда. Есімін иеленген колледж де қарап қалған жоқ. «100 жылдыққа 100 іс-шара» деген айдармен колледжішілік жоспар жасалды. Бекітілген іс-шара кестесіне сәйкес, 17 ақпан күні Исатай Әбдікәрімовтың өмірі, қызметіне арналған Қызылорда облысындағы техникалық және кәсіптік білім беру оқу орындары оқытушылары арасында «Өмірі болған өнеге» тақырыбында облыстық педагогикалық оқу өткізілді.

Педагогикалық оқудың мақсаты – қоғам және мемлекет қайраткерінің өмір жолын насихаттау және қазіргі таңдағы техникалық және кәсіптік білім беру саласының білімді, білікті бәсекеге қабілетті маман даярлаудағы жаңалыққа жаны құмар, шығармашылықпен жұмыс жасайтын, оқу мен тәрбие ісіне иновациялық әдіс-тәсілдерді ендіріп жүрген, оқытудың жаңа технологияларын шебер меңгерген инженер-педагогтардың арасында өзара тәжірибе алмасу.

Педагогикалық оқу пленарлық мә­жіліс­тен басталды. Мәжілісті аш­қан колледж директоры Бақытхан Абдикаримов И.Әбдікәрімовтың өмірі, қыз­меті жайлы айта келіп, педагогикалық оқуға қатысушыларды құттықтап, шығар­машылық табыс тіледі.

Мәжіліс барысында колледж дирек­торының орынбасары Бақдаулет Дүрманов, «Өрлеу» БАҰО АҚ филиалының ҚОБ кәсіби даму институтының аға оқыту­шысы Қарлығаш Есекеева, облыстық оқу орталығының әдіскері Жанат Бексейтова баяндама жасады. Секциялар өз тақырыптарына сәйкес жұмысын жалғастырды. Рахия Абуова жетекшілік еткен №1 секция Исатай Әбдікәрімовтың өмір жолын насихаттаса, Эльмира Айымбетова жетекшілік еткен №2 секция «Білім берудегі инновациялар мен тәжірибе: уақыт талабы» атты теориялық бағытта, Әлия Нұрпейсова жетекшілік жасаған №3 секция «Кәсіптік білім беру жүйесінде, кәсіптік тәжірибе және өндірістік оқытуды ұйымдастыру әдістері» тақырыбында тәжірибелік бағытта, ал Темірхан Байғабылов жетешілік еткен №4 секция жастарға патриоттық тәрбие беруді жүзеге асыру бағытында тәрбие сағатын өткізді. Әр секция өзекті мәселелерді қозғады және оларды шешу жолдарын ұсынды.

Педагогикалық оқудың қорытынды кезеңінде секция жұмыстарында қозғал­ған мәселелердің шешімдері және ұсы­ныс­тары айтылды хаттамаланды және педа­гогикалық оқуда баяндама оқып белсенділік танытқан қатысушыларға алғыс хаттар мен сертификаттар табысталды. Педоқуға жүзден астам білім беру ұйымдарының қызметкерлері қатысты.

Б.ДҮРМАНОВ,

колледж директорының орынбасары

Пікір үстеу

Э-пошта мекенжайыңыз жарияланбайды. Міндетті өрістер * таңбаланған