Олимпиадалық мектептер рейтингі шықты

«Дарын» республикалық ғылыми-практикалық орталығы еліміздегі 100 үздік олимпиадалық мектептер рейтингін шығарды.

2022-2023 оқу жылындағы жалпы білім беретін пәндер бойынша оқушылардың республикалық олимпиа­дасының қорытынды кезеңін толық нәтижелеу үшін еліміздің 100 үздік олимпиадалық мектептерінің рейтингісі жасалды. Биылғы оқу жылында жаратылыстану-математикалық бағыттағы пәндер бойынша олимпиада 20-25 наурыз аралығында Шымкентте 891 оқушының, оның ішінде ғылым негіздері бойынша 88 олимпиадалық резерв мүшелерінің қатысуымен өтті. 86 жеңімпаз алтын медальмен, 131 оқушы күміспен, 206 оқушы қоламен марапатталды.

Қоғамдық-гуманитарлық бағыттағы пәндер бойынша олимпиада 18 сәуірде еліміздің 20 өңірінде 725 оқушының қатысуымен өткізіліп, онда 330 оқушы жеңіске жетті. Олардың 62-сі алтын, 97-сі күміс, 171-і қола медальмен марапатталды.

Үздік олимпиадалық мектеп атағына ие болу үшін республиканың 314 мектебі бақ сынады. Олимпиада қорытындысы бойынша 1-орынды 4 мектеп жеңіп алды, 2-орынды 9 мектеп өзара бөлісті, 14 мектеп 3 орынға ие болды.

Рейтинг формула бойынша шығарылды, мұнда алтын медаль 3 ұпаймен, күміс медаль 2 және қола медаль 1 ұпаймен бағаланады.

Біз қызығы, Қызылорда қаласындағы Білім инновация лицейлері алғашқы үздік ондықтың қатарынан көрінбеді. Олар 13 және 15 орындарды місе тұтты.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған