Ел Президенті жастардың инженерлік-техникалық мамандықтарға қызығушылығын оятып, «біз технокрадтарды даярлауымыз керек» деген болатын. Расында, елімізде өндірісті игерген білікті мамандар тапшы. Әсіресе, бүгінде жол саласында мықты кадрлар жетіспейді. Осыған орай, ҚР ИИДМ қарасты «Жол активтерінің ұлттық сапа орталығы» мемлекеттік кәсіпорны «2000 мектеп» жобасын жүзеге асырып келеді. Негізгі мақсат жас буынды мектеп қабырғасынан мамандық таңдауға кәсіби бағыт-бағдар беру. Соңғы үш жылдың қорытындысымен аталмыш жоба өз нәтижесін бере бастады. Республикалық статистикаға сүйенсек жол құрылысы мамандығы бойынша білім алып жатқан студенттердің қатары арта түскен. Соныңішінде, сырбойылық жастардың да үлесі көп. Мәселен, былтыр филиал директоры мен мамандары аймақтағы 146 мектепте кәсіби бағдар бойынша кездесу өткізіп, 4 мыңға жуық оқушыны жолшы мамандығын таңдауға шақырған. Ал 52 білім ордасымен «ZOOM» платформасы арқылы онлайн конференция ұйымдастырылды. Сондай-ақ, жолшы мамандығына қызығушылық танытқан оқушыларға орталық зертханасында экскуриялар өткізіліп, мамандар асфальт-бетон жабындыларының сапасы қалай тексеретінін көрсетті.
МАҒЖАН ҚАСЫМХАН,
«ЖОЛ АКТИВТЕРІНІҢ ҰЛТТЫҚ САПА ОРТАЛЫҒЫ» ҚОФ ЗЕРТХАНА МЕҢГЕРУШІСІ
