Таңның атысы – күннің батысы сапырылысып шапқылаған халық. Қайнаған қала, тоқтаусыз жүрген көлік құмырсқа илеуіндей болған қала көрінісі көз алдымызда күнделікті өтіп жатыр. Қой үстіне бозторғай жұмыртқалаған мына заманда бәрі бар. Бізде жоғы, ол – уақыт. Таңертеңнен кешке дейін жұмыста қарбаласқан ата-ана, мектептен шығып мектепке баратын бала, бала тасыған ата мен әже. Бұлардың барлығына жетпейтіні – уақыт.
Осылардың барлығы ескеріліп, мемлекеттік қызметтің кейбір түрлері жедел құжат дайындау тәсіліне көшті. Яғни, уақыт үнемдеу мақсатында құжатты екі сағатта орындап, тұтынушыға жеткізу. Осы жұмыс қазіргі таңда қалалық Халыққа қызмет көрсету орталықтарында бір ізділікке түскеніне де біршама уақыт болды.
Сонымен қатар, нотариалды жасалатын жылжымайтын мүлікті сатып алу-сату және сыйға тарту шарттарын да аталған орталықтар жасап келеді. Атап айтсақ, сатушы мен сатып алушы тараптардың қатысуы міндетті. Егер сатып алушы мен сатушы некеде болған жағдайда, жолдасы (жұбайы) бірге қатысады. Сол сияқты сыйға тарту шарты да осы негізде жасалады. Екі жақты нотариалды куәландырылмаған шарттарды орталық қызметкері екі жақты қатыстыра отырып қолын растайды. Одан әрі құжат мемлекеттік тіркеуге тапсырылып, қағидаға сәйкес бір жұмыс күнінде тұтынушыға тапсырылады. Нарық заманда шарт бағалары халыққа тиімді екендігін көпшілік құптап үлгерді. Жұмыс нәтижесі жақсы көрсеткіштері мен тиімділігін көрсетіп, халық игілігіне қызмет жасауда.
Асылхан Әбілханұлы,
«Азаматтарға арналған үкімет» МК» КЕ АҚ Қызылорда облысы бойынша филиалының ХҚК бойынша Қызылорда қаласының №1 бөлім бас маманы
