Аудандық білім бөлімінің басшысы Жібек Баймұратова жеке мектепке дейінгі білім беру ұйымдарының меңгерушілерімен жиын өткізді. Аталған жиында Жібек Орынбайқызы балалардың қауіпсіздігі, мектепке дейінгі білім беру ұйымдарындағы балалардың тәрбиесі, жеке балабақшалардың мемлекет алдындағы міндеттері мен жауапкершілігі туралы жете түсіндірді. Сондай-ақ, мемлекеттік және жеке балабақшалардағы балалардың қауіпсіздігі ұдайы бақылауда болатындығы ескертілді. Мемлекеттік тапсырыс аясында жұмыс жасап отырған балабақшалардың мемлекеттік стандартқа сәйкес болуы, тәрбиеленушілердің дұрыс тамақтануы, тәрбиешілердің біліктілігі, тасымал көліктерінің қауіпсіздік ережелеріне сәйкес болуын қадағалауды тапсырып, бөлім тарапынан да үнемі бақылауда екендігін айтып өтті. Жиын соңында жеке балабақша меңгерушілері тарапынан ұсыныс, пікірлері тыңдалды.
«Ұстаз-ақпарат»
