Облыстық жұмыспен қамтуды үйлестіру және әлеуметтік бағдарламалар басқармасына қарасты №1 Қызылорда арнаулы әлеуметтік қызметтер көрсету орталығы мекемесінде халықаралық қарттар күніне орай «Қариялы ел – қазыналы ел» атты іс-шара болып өтті. Шара барысында мекеменің бірінші қабатында облыстық мұражайдың мерекемен орайластырылған тарихи жәдігерлер көрмесі ұйымдастырылып, орталықтың тыныс-тіршілігі таныстырылды. Ал, аулада тігілген сегіз қанатты қараша үй ішіндегі қызмет алушылардың Қызылорда облысының 85 жылдығына арнайы жасалған қолөнер бұйымдары ұсынылды.
Мерекелік шараға облыс әкімінің орынбасары М.Шермағамбет қатысып, қазыналы қарияларды мерекемен құттықтап, орталыққа естелік сыйлық табыстады. Облыстық ардагерлер кеңесінің төрағасы С.Дүйсенбаев сөз сөйлеп, орталықтағы үлкендерге ізгі тілегін білдірді.
Мерекелік шара концерттік бағдарламаға ұласты. Қариялардың көңілін көтеру үшін «Ұлағат» әжелер ансамблі мен филармония өнерпаздары ән шашуларын шашты.
Шара барысында орталықтың тұрақты демеушісі «Дәулет Азия» ЖШС құрылтайшысы Т.Дәулетов пен серіктестік директоры Э.Сегізбаева орталықтың 165 қызмет алушысына сый-сияпат табыстады.
Орталық аумағында ұйымдастырылған «Алтын күз-2023» жәрмеңкесінде күзгі жиын-терімнің көрінісі саналатын көкөніс пен бақша дақылдары таныстырылып, келген қонақтарға ыстық бауырсақ таратылды.
Н.Меңдібай
