Республикалық ғылыми-тәжірибелік конференция өтті

Қорқыт ата атындағы Қызылорда университетінде Мұстафа Матаевтың 90 жылдық мерейтойына арналған студенттер арасындағы республикалық ғылыми-тәжірибелік конференция өтті. «Жаңа Қазақстан: мемлекеттің құқықтық, экономикалық және әлеуметтік жүйелерін дамытудың өзекті тенденциялары» тақырыбында өткен шараны «Жас заңгер» ғылыми-шығармашылық үйірмесі ұйымдастырды. Конференцияның мақсаты – еліміздегі студенттер арасында жемісті ғылыми пікірталас, заң ғылымы мен практикасына терең бойлауда бел­­сенділіктерін арттыру. Республика­лық байқаудың ашылу рәсімінде Эко­номика және құқық инс­титутының директоры Нұрлан Құлмырзаев қа­тысып, қатысушыларға сәттілік тіледі.

– Конференция аясында қазіргі заманғы заң доктринасы мен құқық қолданудың өзекті мәселелері талқыланды. Қатысушылар 4 секция бойынша баяндама жасады. Биыл еліміздің Алматы, Тараз, Батыс Қазақстан, Талдықорған және Қызылорда қалаларынан 40-қа жуық білім алушы қатысып, өз жұмыстарын онлайн және офлайн форматта қорғады,-деді заң ғылымдарының кандидаты, «Құқық­тану» кафедрасының аға оқытушысы Шолпан Жұмағұлова.

Қатысушылардың зерттеу жұмыс­тарына Қызылорда облыстық прокуратурасының қоғамдық мүдделерді қорғау бөлімінің прокуроры Гафур Утеев, Қызылорда облысы бойынша Экономикалық тергеп-тексеру департаментінің жедел басқармасының аса маңызды істер жөніндегі жедел уәкілі Нұрбол Әлкебайұлы, Қызылорда қалалық сотының судьяы Абдырахман Абдулла, Әділет департаментінің әкімшілік бөлімінің басшысы Элмира Абдикаликова және Қызылорда облысы ішкі істер департаменті заң бөлімінің басшысы Хұсайын Қоразбаев баға беріп, ой-пікірлерін білдірді.

Айта кетейік, екі күнге созылған республикалық ғылыми-тәжірибелік конфе­ренцияның қорытынды жиынына басқарма төрағасы-ректордың міндетін атқарушы Майнұр Бөрібаева қатысып, үздік жұмыстарды марапаттады. Атап айтсақ, әр секция бойынша жоғары нәтиже көрсеткен Меруерт Абдулла, Мерей Амангалиева, Анель Ахметқали және Нұрай Нұрлыбекқызы І орын иеленіп, жеңімпаз атанды. Барлық жүлдегерлерге арнайы дипломдар мен естеліктер сыйлықтар табысталды.

З.Дастанқызы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған