Білім ошағы салынбақ

Бала болашағы қашан да ойландыратын, толғандыратын өзекті мәселе. Оқудың инемен құдық қазғандай бейнетін сезінген жас өскіннің болашағы жарқын, келешегі кемел болатыны ақиқат. Әлбетте, бұл ретте сапалы білім беретін мектептердің көптеп салынып, жайлы білім алуға жағдай жасалғаны дұрыс. Сондықтан болар, облыстық білім басқармасы баланың алаңсыз білім алуына бейқамдық танытпай, игі істерге жауапты һәм мұрындық болудан бас тартқан емес. Білім үйлерінің аз болуына байланысты, өзге мөлтек аудандарда қатынап оқуға мәжбүр болған оқушылардың жайын қарастырып, бұл түйт­кілдің де түйінін тарқатты. Бастысы, бала қауіпсіздігі де басты назарға алынып, мәселе шешімін тапты. Сайып келгенде, білім ошақтарының көбеюі, құрылыстың қарқынды жүруі қоғам дамуына да түрткі болмақ.
Бүгінде Қызылорда қаласы, «Бәйтерек» мөлтек ауданында дүниеге келгеннен 17 жас аралығында 1889 бала тұрады. Оның ішінде 1-11 сыныптар аралығында 595 бала мектептің болмауына байланысты басқа мөлтек аудандарда орналасқан білім беру ұйымдарына қатынап оқуда.

Қалалық білім бөлімінің мәліметіне сәйкес, жаңа оқу жылында 1-сыныпқа шамамен 118 бала қабылданады деп күтілуде. Жыл сайын жаңадан қабылданатын балалар санына да артатын болады. «Бәйтерек» мөлтек ауданындағы жеке тұрғын үйлердің көптеп салынуына және басқа мектептен ауысып келетін, жаңадан қабылданатын балаларды есепке алсақ, 2025 жылға қарай оқушылар контингенті – 1131 құрайды деп жоспарлануда.
Қала орталығындағы мектептердің орын тапшылығын жою мақсатында 4 мектепке (Абай, №101, 264, 3) қосымша ғимарат құрылыстары салынып, жыл соңына дейін іске қосылуы күтілуде.

Бұдан бөлек ағымдағы жылы 2022 жылдан өтпелі Жаңақорған ауданында 300 орындық (Май бекет), Шиелі ауданында 250 орындық (Байсын), Қазалы ауданында 250 орындық  (Айтеке би кенті) мектеп құ­ры­лыстары ел игілігіне берілетін болады.
Со­ны­мен қатар, жеке ин­вес­тор есебінен салы­нып жатқан Арал ауда­ны Тоқабай елді ме­­кенін­дегі апатты №248 мек­тептің құ­ры­- лысы та­бысталады.

Замира АХМЕТ

Пікір үстеу

Э-пошта мекенжайыңыз жарияланбайды. Міндетті өрістер * таңбаланған